«Эксперимент. Теория. Тәҗрибә»

2020 елның гыйнварында Татарстан Республикасы Милли китапханәсенең патентлар бүлегендә (К. Маркс ур., 36 йорт) «Эксперимент. Теория. Тәҗрибә» дигән күргәзмә эшли.

Уйлап табуның уңышы күбесенчә аның әлеге уйлап табуга юнәлтелгән продукцияне кулланучыларның таләпләренә туры килүе белән билгеләнә. Җитештерүнең катлаулылыгы һәм дәрәҗәсе елдан-ел арта. Ул көннән-көн киңрәк һәм күләмле була бара. Мондый шартларда оптималь чишелешләрне сайлау өчен фәнни иҗатны, тикшеренүләрнең гадәти алымнарын кулланмыйча мөмкин түгел.

Күргәзмә материалларында фәнни тикшеренүләрнең методологиясе һәм методикасы нигезләре бәян ителде. Анда үлчәү чаралары һәм методлары, интеллектуаль милек һәм аны яклау төшенчәләре, тикшеренү нәтиҗәләрен анализлау һәм рәсмиләштерү үзенчәлекләре каралды. Тәкъдим ителгән әдәбиятта патент тикшеренүләренең методик нигезләре бар. Бәян төрле төрдәге патент тикшеренүләрен гамәлгә ашыруның гамәли мисаллары белән ныгытыла. Күргәзмә инженерлар, галимнәр, патент белгечләре өчен гамәли кулланмаларны үз эченә ала. Конкрет мисалларда патентлар бирүгә гаризалар әзерләү үзенчәлекләре һәм аларны Федераль сәнәгать милке институтында киң даирә объектлар: кадактан алып космик корабка кадәр карау карала. Яңа техниканы уйлап табучылар үз карарларына якын үрнәкләр таба һәм аларны кулланып, гаризалар рәсмиләштерә һәм патентлар ала алачак.      

Күргәзмә инновацион карарлар әзерләү белән шөгыльләнүчеләр: югары уку йортлары укытучылары һәм студентлары, мәктәп һәм көллият укучылары, иҗат үзәкләре катнашучылары, уйлап табучылар һәм фәнни хезмәткәрләр өчен тәгаенләнә.