Җәүдәт Фәйзи. Биобиблиографик белешмәлек

2015 нче елның 4 нче гыйнварында күренекле татар композиторы, халык авыз иҗатын туплаучы, РСФСР ның һәм Татарстанның атказанган сәнгать эшлеклесе, Татарстанның халык артисты, Г. Тукай исемендәге премия лауреаты Җәүдәт Фәйзинең (Җәүдәт Харис улы Фәйзиев) (1910-1973) тууына 105 ел тулды.
Күренекле композитор өч музыкаль комедия, күп кенә җырлар иҗат итеп, татар халык көйләрен эшкәртеп татар музыка сәнгате үсешенә зур өлеш кертә. Аның беренче иҗат җимешләре – «Ташкыннар» (Т.Гыйззәт), «Шәмсекамәр» (М.Әблиев), «Хуҗа Насретдин» (Н.Исәнбәт) спектакльләренә язган көйләре – тамашачылар тарафыннан җылы кабул ителә, иҗатының офыкларын киңәйтә. Җәүдәт Фәйзинең музыкаль комедия жанрын үстерүдә дә өлеше зур. Аның «Башмагым» музыкаль комедиясе илебезнең күп кенә сәхнәләрендә уйнала. Шулай ук «Акчарлаклар», «Идел буенда» драмаларына да көйләр яза, Г.Кутуйның «Тапшырылмаган хатлар» повесте буенча опера иҗат итә.
Җәүдәт Фәйзи иҗатының иң күренекле һәм үзенчәлекле өлкәсе – җырлар. Аларның саны ике йөзгә якын. Җ.Фәйзи бик еш авылларга, районнарга чыгып, халык җырларын, уеннарын язып йөри һәм шул җырларны, уеннарны бергә туплап җыентыкларда бастырып чыгара.
Әлеге күренекле датаны истә тотып төзелгән биобиблиографик белешмәлек 7 бүлектән тора. Композиторның тәрҗемәи хәле, иҗаты һәм тормышы турында мәкаләләр, фотоархив, сценарийлар, әсәрләре белән танышырга мөмкин. Библиография бүлегендә Җәүдәт Фәйзинең әсәрләре, тормышын һәм иҗат юлын яктырткан мәкаләләр исемлеге һәм Җәүдәт Фәйзигә багышланган Интернеттагы сайтларга сылтамалар бирелде. Биобиблиографик белешмәлек татар һәм рус телләрендә төзелде.

Җәүдәт Фәйзинең тәрҗемәи хәле

Җәүдәт Фәйзинең тормышы һәм иҗаты турында

• Бөек композитор Җәүдәт Фәйзинең тууына 110 ел
• Җәүдәт Фәйзи
• Җәүдәт Фәйзи - композитор, әдип, фольклор белгече
• Кайсысы драматург, кайсысы композитор
• Татар тарихына онытылмас әсәрләре белән кереп калган күренекле композиторлар
• Урман кызы
• Халыкның моңлы улы

Фотоархив

• matbugat.ru/news/?id=27810

Видеоматериаллар

• Җәүдәт Фәйзи - Яз шатлыгы. Вальс
• Җәүдәт Фәйзи җырлары

Җәүдәт Фәйзи әсәрләре

• Татар җырлары

Җәүдәт Фәйзигә багышланган сценарийлар

• Җәүдәт Фәйзи – композитор, әдип, фольклор белгече: викторина
• Композитор Җәүдәт Фәйзи : 6 нчы сыйныфлар өчен методик эшкәртмә
• Г. Тукай премиясе лауреатлары турында: презентация
• Татар композиторлары турында кереш лекция
• Композитор Җәүдәт Фәйзи «Зөлфия хезмәт сөя» җырын өйрәтү
• Композитор Җәүдәт Фәйзи

Библиография

• Җәүдәт Фәйзи әсәрләре
• Җәүдәт Фәйзинең тормышы һәм иҗаты турында
• Җәүдәт Фәйзигә багышланган Интернеттагы сайтларга сылтамалар (рус)