Күргәзмә залы
Күргәзмә залында укучылар китапханә фондларына кергән яңа китаплар белән таныша алалар. Һәр атна саен яңа китаплар күргәзмәсенә 100дән алып 200гә кадәр исемдә яңа китап куела. Алар, түбәндәге тармак- бүлекләргә аерылып, укучыларга тәкъдим ителә:
- Тарих
- Икътисад
- Дәүләт һәм хокук
- Табигать фәннәре
- Техника
- Авыл һәм урман хуҗалыгы
- Сәламәтлек
- Дин
- Фәлсәфә
- Психология
- Сәнгать
- Мәдәният. Фән. Мәгариф.
- Иҗтимагый фәннәр
- Филология фәннәре
- Матур әдәбият
- Туган як турындагы һәм татар телендәге әдәбият
- Чит телләрдәге китаплар
Һәр атнаның дүшәмбе көнендә күргәзмә яңартыла: яңа килгән китаплар куела, ә җыеп алынганнары китапханәнең бүлекләренә һәм китап саклагычына тапшырыла. Бер елга уртача 50 шундый күргәзмә оештырыла, аларда 7-8 мең яңа китап күрсәтелә.
Моннан тыш, күргәзмә залында укучылар китапханәнең универсаль фонды белән таныша ала. Фондның универсальлеген күргәзмәләрнең тематик яктан күптөрлелеге раслый. Ел буена мондый күргәзмәләргә 2 меңнән 5 меңгә кадәр китап куела.
Күргәзмә залында укучылар:
- соңгы вакытта дөнья күргән һәм китапханәгә килгән яңа басмаларны күзәтеп, үз белгечлекләренә караган әдәбият, фән һәм техниканың заманча казанышлары, сәясәт һәм икътисад өлкәсендәге үзгәрешләр белән танышып бара алалар;
- үзләренең белем алуга һәм мәгълүмат туплауга булган ихтыяҗларын канәгатьләндерәләр.
Күргәзмә залы - укучыларга китапханә фондын үзләре өчен яңача ачу мөмкинлеге.
Күргәзмә каталогы
Kүргәзмәдән өзекләр
Эш сәгатьләре:
дүшәмбе, пәнҗешәмбе сәгать 12 дән 19 сәгатькәчә,
сишәмбе, чәршәмбе сәгать 9 дан 19 сәгатькәчә,
шимбә сәгать 9 дан 18 сәгатькә кадәр.
Күргәзмәләр залы мөдире: Юревич Любовь Петровна